تماضر الخنساء حمزة .... والصدفة..برضو..بتشتهيك..

من طرف **jassim** الأربعاء يناير 31, 2018 3:52 pm

والصدفة..برضو..بتشتهيك..

والصدفة..برضو..بتشتهيك..

ياتبقى كل الجاي عليّ

يا تبقى ماضي.. وذكريات

ياتفرِّح الشوق بي مجيك..

أو تعيد الأغنيات..

القلناها في ضي العيون

واللحن أصبح..أحجيات

بيصارع الذكرى التهش

فينا باقي الأمسيات

أنا ماني أوَّل من عِشق

ووشوش النيل ..بي مجيك

ودسدس الشوق في صدف

والصدفة برضو بتشتهيك

لكني..أوَّل من عزم

روحو لو ترحل إليك

تحمل التحنان قوافل

والسكة بتسبِّح ..عي*-تم الحذف. كلمة غير محترمة لا يسمح بها في هذا المنتدى-*

وبرضي أوَّل من وهب

جوَّاهو كل الفيهو ليك

وختَّ رسم الريد أماني

خطوطا.. كان تفتح إيديك

تلقاني في دمّك أعافر

أرتِّب الخطوة بــ مشيك

ومرة في عي*-تم الحذف. كلمة غير محترمة لا يسمح بها في هذا المنتدى-* أحاول

أفضح الشوق الوشيك

وأقرا كل تفصيل أعيش

بين متاهاتي فــ وشيك

وأرجع أتوسَّد عذابي

ألقاني بحضن فيني..فيك