تماضر الخنساء حمزة...صندل الروح

من طرف **jassim** الثلاثاء يناير 30, 2018 12:10 pm

ومابتفوت...

ياصندل الروح البفر

جوَّة في صوتك ..صداك

وتفضل تشد حيل الأغاني

النغمة في.. حسك ..براك

ولابتموت...

جوَّانا ..متوسِّد ..خلود

رغم اليباس ..لسَّه متعطِّر شذاك

رغم الجفاف ...نحنا بنخدِّر ..معاك..

هل تفتكر ..

مرَّة حيصيبك ..خفوت ؟؟

وإنتا بتحنِّس ....سماك

تسند ..كتوف كل البيوت

تشتل الأفراح ...خُطاك..

مابتحتضر ..

بتحدَّى فيك ..قانون ..وجود

تعرف ..؟؟

إنِّي ..بتنفَّس ..هواك..!!

وروحي إتشرَّت ..خيوت ..

منضومة بي شوقك ..براك

معتوقة ..من جيد ..القيود ...

مطلية بي لونين ..رضاك...

والتاني ..ماطبعو ..السكوت

تعرف ؟؟

فينى كمَّلتا... البراح ..

قويت ..عصب.. ضد.. الهلاك..

ومابتفوت..

يافرح ..عِز الحريق

ورقصة على.. صوت الصديق ...

وحرف ..بتوجَّع ..شهيق !!.

من طرف **عبير الورد** الثلاثاء يناير 30, 2018 7:17 pm

موضوع قيم جدا

شكرا جزيلا

تماضر الخنساء حمزة...صندل الروح

تماضر الخنساء حمزة...صندل الروح

رد: تماضر الخنساء حمزة...صندل الروح