آلاء ابو سفيان.... دروب سؤال

من طرف **jassim** الأربعاء يناير 31, 2018 3:37 pm

لشاعرة آلاء ابو سفيان

لمن تشوف عي*-تم الحذف. كلمة غير محترمة لا يسمح بها في هذا المنتدى-* رؤاي
اتحدى شوقي المستحيل
كيف تبقى في قلبي الوجع؟
وتتلافى أحلامي الأمل
يا الإنت فيني دروب سؤال
تاهت خطاوي الفكرة فِين
غابات كلام
شافت صباحاتا العدم
طالياها نسمات السُكات
مادد أياديهو الحنين
لي ذكرى في كَف الزمن
يا واقفه صورتك في الخيال
ما بين عيوني ولهفتي
يا النادى صوتك للكيان
يا أحلى إحساس بالخطر
إتلاشى في حُضنو الأمان
واصلت فيك برضو المشي
كان ألقى في ذاتك مكان
داهمت أحزاني القبيل
ضاريتا بي بسمة أمل
مغسولة بي دمعات حُنان
مكحولة بي شوق العمر
لي زول أشيل الكون وأجيو
بى لهفة كاسره الامتنان
يا لهفة القلِب الديار
احساسي قال
مسقية هم
زي ريشة في لُج المحيط
إندس في جوفا التعب
وإتهادى في الخاطر عشم
غطاها حَر
من لفحة النار الجليد
إتدفى من بعضو المكان
وإتراقص الداخل شروق
جواها فوق كل العذاب
رغم إنو عارفاهو المصير
والفيهو كلو حيبقى كان
غَلّف نجاتا المستحيل
قرطس صِباها الامتهان
برضو بتقول ليك يا شريك
حُبك معتق بالحنان

من طرف **عبير الورد** الإثنين فبراير 05, 2018 6:19 pm

موضوع رائع

شكرا لك

و فى انتظار جديدك

آلاء ابو سفيان.... دروب سؤال

آلاء ابو سفيان.... دروب سؤال

رد: آلاء ابو سفيان.... دروب سؤال